--Ads--
Impasigurado ti liderato ti Philippine National Police nga awanen ti agsubli iti serbisyo, umakar iti destino ken promosyon kadagiti sukir a pulis.
Segun ken ni PNP Chief PGen. Rommel Francisco Marbil, no mapaneknekan a nainaig iti ania man nga anomalya ti maysa a pulis, ket saanen a makasubli iti dati a unit-na, no di ket maikabilda iti Personnel Holding and Accounting Unit ti PNP agingga nga agretiro.
Inlawlawag ni Marbil a ti PNP ket saan a maysa a rehabilitation center ken saan nga epektibo ti panagakar-akar dagiti sukir a pulis.
Paset daytoy iti internal cleansing campaign ti kapulisan a ti gagemna ket maisubli ti talek ti publiko iti grupoda.
-- ADVERTISEMENT --
