Im-imbestigaranen ti Philippine National Police amin a posible nga anggulo iti pannakatay ti agtawen-iti-duapulo ket uppat a vlogger a ni Alicia “Mima Alicia” Lipata, agraman ti political content ken social media engagement-na.
Malaksid iti political content ti vlogger, a mabigbigbig a supporter ti administrasion ni Presidente Ferdinand Marcos, karaman pay kadagiti maimbestigaran ti negosio ken personal a biagna.
Kabayatanna, addan persons of interest ti kapulisan a pakairamanan dagiti dua a naglugan iti motorsiklo, a nangpaltog ken ni Lipata iti ruar ti pagtaenganna idiay Barangay 171, Caloocan City, idi July 17.
Maipalagip a naideklara a dead on arrival ni Lipata iti nakapasamakan ti insidente, idinto a nadunor ti partner-na a kaduana idi napasamak ti pammaltog.
