--Ads--
Impaganetget ti Philippine National Police ti kinapateg iti panagpammati, panangisakit ken panagpakumbaba a karakter saan laeng nga iti pundasyon ti Islam no di ket paset iti kinatao ti Pilipino.
Iti panangrambak ita nga aldaw ti Eid’l Adha, binigbig ti PNP ti napateg nga akem ti Muslim community iti panangiduron iti kappia ken kinadur-as iti pagilian.
Segun ken ni PNP Chief PGen. Nicolas Torre III, kadua dagiti kabsat a Muslim iti nation-building ken peace-building efforts ti gobierno.
Innayon ni Torre nga ituloyda nga ilaban ti kinatalna, kinaurnos ken seguridad ti publiko, bayat a maiduron latta ti respeto, panagkaykaysa, panagkikinnaawatan iti amin a sektor ti kagimungan, ania man ti relihion wenno nagtaudan.
-- ADVERTISEMENT --
