--Ads--
Agtultuloy ti panagsagsagana ti Philippine National Police uray no awan ti naaw-awatda a pangta iti mass protest a “Trillion Peso” March inton November 30.
Segun ken ni PNP Acting Chief PLT. Gen. Jose Melencio Nartatez Jr., saanda nga ikkaten ti posible nga ‘infiltration’ wenno pannakisali dagiti grupo a kayatda ti mangriribuk kas iti napasamak idi September 21 rally idiay Manila.
Kas panagsagana, pinapigsa ti PNP ti intelligence monitoring-da ken pinabilegda ti pannakibinnuligda kadagiti nadumaduma nga ahensia ti gobierno tapno maliklikan dagiti kayatna ti ag-hijack iti nakappia a panagtitipon.
15,000 a pulis ti ideploy ti PNP iti Metro Manila nga agbantay iti November 30 rally.
-- ADVERTISEMENT --
