Nakasagana ti Philippine National Police (PNP) iti panagrugi ti campaign period ita nga aldaw para iti Senado ken party-list seats inton 2025 midterm elections.
Segun ken ni PNP Spokesperson Police Brig. Gen. Jean Fajardo, sakbay pay iti panagrugi ti campaign period ket addan ti nakalatag a seguridad tapno siguradoen ti natalged ken naurnos a kampania.
Maipalagip nga idi napalabas a lawas ket inrusat ti PNP iti 100-day security plan para iti eleksyon a nangsiguradoan ti security coverage iti panagado dagiti kandidato iti Luzon, Visayas ken Mindanao.
Kinuna pay ni Fajardo a mangnayonda pay kadagiti kameng iti engagement areas tapno mapagtalinaed iti kinaurnos.
Siguradoen ti PNP ken dagiti kandidato a masigurado nga adda umanay a crowd security ken close-in security iti tunggal campaign sortie.
