Addan ti iggem a composite sketch ti Philippine National Police (PNP) ti maysa manipod dua a person of interest iti pannakadukot ken ni Elloit Eastman maysa nga American national idi rabii iti Huebes idiay Sibuco, Zamboanga del Norte.
Segun ken ni PNP Spokesperson Brig. Gen. Jean Fajardo, kitkitaendan nu addan kainaigan ti Abu Sayyaf wenno dadduma pay a local terrorist group iti dua a persons of interest iti pannakadukot ti gangannaet.
Dayta ket maibasar ti sarita dagiti testigo nga awan ti abbung ti rupa ti maysa kadagiti uppat a suspek a pannakadukot ti Amerikano.
Kinunana pay nga awan ti indikasyon a nakaruar ti Zamboanga del Norte dagiti suspek isu a nangipanen ti border control dagiti otoridad iti nasao a lugar.
Agtultuloy iti panagsapul dagiti otoridad ken ni Eastman ken manarimaan ti manhunt operations para iti pannakakemmeg dagiti suspek.
