Nakemmeg ti maysa a pintor iti naiwayat a search warrant kalpasan a naalaan ti mapapati a shabu ken marijuana iti ili ti Sta. Lucia
Ti suspek ket agtawen ti duapulo ket pito, pintor, ken residente ti nadakamat nga ili.
Dagiti drug evidence a nakompiskar manipud ti suspek ket pakairamanan ti 5.79 a gramo ti mapapati a shabu nga aggatad ti P39, 372 a nakaikabil ti maysa nga heat sealed transparent plastic sachet, nasurok kumurang 18.24 a gramo ti mapapati a marijuana nga aggatad ti P3, 648 a nakaikabil iti dua nga heat sealed transparent plastic sachet, dua a piraso ti open transparent sachet a naglaon ti residue ti mapapati a shabu, assorted het sealed plastic sachet ken aluminum foil.
Dagiti met non-drug evidence ket pakairamanan ti kaha ti sigarilyo, karton, plastic sachets, bag, aluminum foil ken lighter.
Kaso a panaglabsing ti Republic Act 9165 wenno Comprehensive Dangerous Drugs Act of 2002 ti sangoen ti suspek.
