Nagballaag ti Philippine Embassy idiay South Korea mainaig iti mayulog a desisyon inton bigat, April 4 ti Constitutional Court of Korea iti impeachment case ni South Korean President Yoon Suk Yeol.
Segun iti embahada, manamnama dagiti protesta inton bigat isu a mabalbalakadan dagiti amin a Pilipino a lisyanda dagiti lugar a pakaangayanna.
Maibasar iti pakaammo ti Seoul Metropolitan Government, mangipatungpalda iti addang kas panagannad pakairamananen ti pannakaideklarar dagiti Distrito ti Jongno-gu ken Jung-gu kas Special Crime Prevention Zones.
Maaddaan pay ti restriksyon iti trapiko ti aglawlaw ti Constitutional Court ken temporaryo a maipasarra dagiti kaasidegna a palasyo, museo ken pagadalan.
Nabalakadan pay dagiti Pilipino a kontakenda ti embahada no bilang adda emergency a kasapulanda.
