Maysa kadagiti innem a pulo ket pito a biktima ti air collision idiay Washington ti Pilipino a pulis, segun ken ni Interior Secretary Jonvic Remulla.
Binigbig ti Philippine National Police ti biktima a ni Police Colonel Pergentino Malabed Jr., Chief of Supply Management Division, nga adda iti opisial a biahe para iti pre-delivery inspection ti 2,675 nga all purpose vests para iti PNP.
Agladladingit ita ti PNP iti ipupusay ni Malabed, nga inladawanda kas napudno ken dedikado nga opisial, ket inkarida ti suporta para iti pamiliana.
Agtultuloy a maim-imbestigaran no ania ti rason ti aksidente, ngem nasarakanen ti black boxes ti eroplano.
Karaman kadagiti natay dagiti pasahero, crew members, ubbing a figure skaters, ken sumagmamano nga agindeg idiay Kansas, a naggapuan ti flight.
