Nakaruaren manipod iti ospital dagiti tallo a Pilipino a nadunor iti tour bus crash idiay New York ken cleared para iti panagbiaheda kas kinuna ti Department of Foreign Affairs (DFA).
Segun ti DFA, dagiti Pilipino ket nakabase idiay Qatar ken napan laeng nag-tour idiay New York kas maibasar ti pakaammo manipod Philippine consulate general idiay New York.
Maysa a consulate representative iti makitaripnong kadakuada tapno matignayan dagiti kasapulanda ken masigurado ti pagsayaatanda agingga naituding nga ipapanawda.
Maipalagip nga idi Biernes ket napasamak ti aksidente tourist bus a nagluganan dagiti limapulo ket uppat a pasahero pakairamanan dagiti Indian, Chinese ken Pilipino nga agsubli koman idiay New York City manipod Niagara Falls idin nagbaliktad.
Kaaddoan a pasahero a naipan kadagiti ospital ket nakaruaren idinto a nabigbig metten dagiti police dagiti lima a natay iti aksidente.
