--Ads--
Nainget a bambantayan ti Pilipinas ti sitwasyon idiay Venezuela gapu iti pannakaiwayat ti military operation babaen kadagiti suldado ti Amerika.
Segun ken ni Foreign Affairs Spokesperson Angelica Escalona, nagpanawagan ti Pilipinas kadagiti amin a partido a silbaren dagiti saan a pagkikinnaawatan iti nakappia a wagas ken lumisi kadadagiti addang a mabalin a mangpakaro iti riribuk iti rehion.
Dayta ket kalpasan ti panangiwaragawag ni US President Donald Trump a nangiwayat ti Amerika iti large-scale strike kontra iti Venezuela a nakakemmegen da Venezuelan President Nicolas Maduro ken ti asawana.
Maibasar iti DFA, 74 ti bilang dagiti Pilipino nga agtaltalinaed ken agtrabtrabaho idiay Venezuela.
-- ADVERTISEMENT --
