--Ads--
Nagbalin a maika-71 a kameng ti Pilipinas iti Coalition for Disaster Resilient Infrastructure (CDRI) kalpasan ti pannakisinnarak ni Presidente Ferdinand Marcos Jr. kadagiti opisial idiay New Delhi, India.
Mabenepisiaran ti pagilian iti pannakaammo, teknikal a suporta ken padas dagiti dadduma a miembro iti panangibangon kadagiti natibktibker a kalsada, rangtay, sangladan ken dadduma pay nga imprastruktura.
Daytoy pay ti mangidalan iti pondo para kadagiti proyekto para iti disaster resilience ken climate change adaptation.
Impaganetget ti Presidential Communications Office (PCO) ti kinapateg ti pannakaikameng iti CDRI gapu ta masansan a maap-apektaran ti pagilian iti pasaray agbaliw a klima.
-- ADVERTISEMENT --
