Indauloan ti Pilipinas babaen iti Department of Finance (DOF) ken Bangko Sentral ng Pilipinas (BSP), ti taripnong ti ASEAN Finance and Central Bank Deputies’ Meeting – Working Group (AFCDM-WG) tapno itandudo ti napigpigsa nga integrasion a pinansyal iti Southeast Asia.
Pinasingkedan ni DOF Undersecretary Joven Balbosa a ti kangrunaan a gagem ti pagilian ket masigurado dagiti regional cooperation ket maaddaan ti konkreto a benepisio para kadagiti negosio, agpupuunan, ken tunggal ASEAN.
Dagiti kangrunaan a priyoridad iti nadakamat a taripnong ket ti cross-border payments a mangpadaras ken mangpalaka iti financial transaction iti nagbaetan dagiti pagilian.
Karaman pay iti napagpapatangan iti panangpalawa ti access kadagiti financial service para iti ad-adu a tao ken panangpatibker ti kabaelan ti rehiyon a sumango iti economic crisis, panangpadur-as ti merkado tapno masuportaran dagiti investment.
