VIGAN CITY – Nauram ti maysa a Mitsubishi Fuso Delivery closed van idiay Brgy. San Nicolas, San Esteban.
Nabigbig ti driver a ni Sonny Sobrevilla agtawen tallo pulo ket dua agnaed ti Brgy. Sto. Rosario, Aringay, La Union.
Segun ti San Esteban Municipal Police Station, nakaawatda ti report nga adda iti maururam a delivery closed van iso a nagrespondeda ket nadanunda ti nasao a van nga maururam.
Rimmuar ti imbestigasyon a daldalyasaten ti van iti agpaamyanan a direskyon ket nadlaw ti sumarsaruno kenkuana a lugan nga maururam iti akin likod a palid ti closed van.
Inpagid ni Sobrevilla ti luganna ket insigida a nagresponde ti Sta. Maria Bureau of Fire Protect iso a nadepdep ti apoy.
Aglaon ti nadumaduma a frozen chicken meat products ti closed van ken saan a naanano ti driver ken pahinantena.
