--Ads--
Pinasingkedan ti Philippine National Police a nagbalin a naurnos ken nakappia ti selebrasyon ti Piesta ti Sto. Niño idiay Tondo, Manila a dinar-ayan ti nasurok 7,500 a deboto.
Nasurok-kumurang 1,000 a kameng ti Manila Police District ti naideploy para iti panagpatrolya, crowd control, ken seguridad iti panagrambak.
Nangrugi ti dawn procession manipud iti Minor Basilica ken Archdiocesan Shrine ti Sto. Niño de Tondo, a dimmalan iti kangrunaan a kalsada ti Tondo, ken nagsubli iti tiendaan iti alas otso iti bigat.
Dinayaw ti PNP ti disiplina ken pannakikaysa dagiti deboto kagiddan ti panagyamanda kadakuada.
-- ADVERTISEMENT --
