Ad-adalen ti National Telecommunications Commission (NTC) ti panang-require ti personal appearance para iti SIM card registration tapno labanan dagiti scam a mainanaig iti panaglako ti SIM identities.
Maad-adal ti implementasyon ti Republic Act No. 11934 ken napagpapatangan ti posible a panagbaliw pakairamanan ti personal appearance requirement a kas ti proseso a panagala ti lisensya iti panagmaneho ken NBI clearance.
Gagem dayta a matignayan dagiti pammabalaw iti online registration nga agresulta iti panagadu ti text scams.
Uray adda agingga innem a tawen a pannakaibalud ken multa nga agingga P300,000 ket agtultuloy iti pananggundaway dagiti dadduma a tattao iti sistema babaen ti panagilako ti identity-da.
Insingasing ti NTC nga ikkan ti pwersa iti koisyon nga ag-regulate iti SIM ownership ken limitaran ti panagawat ti valid IDs.
