--Ads--
VIGAN CITY – Tallo ribo tallo gasut a piraso nga itlog ti pato a naikarga iti maysa a Hyunda Reina Sedan ti nasalamaan dagiti pannakabagi ti linteg iti animal quarantine checkpoint iti Brgy. Bio, Tagudin.
Nabigbig ti drayber a ni Jhunbert Palting Padaca, agtawen iti tallopulo ket tallo, negosyante ken ti kaduana a ni Krizza Angelee Tagudan, agtawen iti duapulo ket dua nga agpada nga agnaed iti Brgy. 3, San Nicolas, Ilocos Norte ken saan a nagpaidalan iti inspeksion.
Awan ti shipping permit a naiparang dagiti suspek ken saan nga accredited ti luganda nga agipastrek kadagiti nasao a kontrabando ditoy probinsia.
Nupay kasta, naipanen iti Provincial Veterinary Office dagiti itlog nga aggatad iti duapulo ket walo a ribo a pisos.
-- ADVERTISEMENT --
