--Ads--
VIGAN CITY- Umaboten iti nakurang a sangapulo ket lima a milyon a pisos ti lugi ti agriculture sector manipud idi nangrugi ti panagtudtudo na ita a lawas gapu ti habagat ken bagyo.
Segun ken ni Mar Alibin, officer-in-charge ti Provincial Agriculture Office (PAO), iti pakabuklan a gatad dagiti nadadael a mula ken pupok nga ikan kadagiti piskarya ket umabot iti PHP 14,717,000.
Maibasar iti rekord, umabot iti PHP 8,885,000 iti pakabuklan a gatad dagiti nadadael a pagay; PHP 238,000 iti benneg ti mula a mais; PHP 143,000ti lugi kadagiti mula a nateng ken PHP 5,451,000 iti fisher sector.
Namnamaen ti PAO a manayunan pay iti gatad dagiti mairekord a madadael a mula ken piskarya nu saan nga agsardeng ti tudo.
-- ADVERTISEMENT --
