Nangdutok ti Philippine Fleet kadagiti baro a commanding officer iti dua a barko ti Philippine Navy a BRP Ramon Alcaras (ps16) ken BRP Andres Bonifacio (ps17).
Naisayangkat ti change of command ceremony iti naval operating base-Subic iti probinsia ti Zambales.
Agserbi a baro a commander ti Ramon Alcaras ni Capt. Philip Plaza a kasukar ni Commander Johanns Cruzada idinto nga agbalin a commanding officer ti Andres Bonifacio ni Commander Kim Jon Ccoba a mangsukat ken ni Capt. Renante del Prado.
Binigbig ti Philippine Navy ti balligi ti panangidaulo da Commander del Prado ken Commander Cruzada iti dua a barko babaen ti panangipaay iti command-at-sea plaque kadagiti dua a navy official.
Ti dua a barko ket agpada a del pilaw-class patrol vessel ken maar-aramat a pagpatrolya kadagiti kabaybayan iti pagilian kangrunaan idiay West Philippine Sea.
Agpada a maar-aramat dagiti dua kadagiti searcha and rescue operation iti pagilian ken maideploy tapno agtignay kadagiti distress call ken tumulong kadagiti barko a naaddaan ti parikot bayat nga adda iti kabaybayan.
