--Ads--
Ad-adalen ti gobierno ti posibilidad a mangipila iti kaso kontra China gapu ti August 19 collision incident idiay Escoda Shoal.
Segun kenni Presidential Assistant on Maritime Concerns Secretary Andres Centino nga iti pannakabukel ti National Maritime Council, tallo a baro a kameng ti nainayon a pakairamanan ti Solicitor General, National Security Adviser, ken hepe ti National Intelligence Coordinating Agency (NICA).
Inakusaran ti Pilipinas ti Chinese Coast Guard nga agar-aramid iti “unlawful and aggressive maneuvers” iti West Philippine Sea (WPS), a nagresulta iti panagdinnungpar a nakadadaelan ti dua a barko ti Philippine Coast Guard (PCG).
