Nangiruar ti statement ti PhilHealth mainaig ti P138-million a budget-da para iti Christmas Paty.
Kinontra ti ahensiya ti post ni health advocate Dr. Tony Leachon mainaig iti excessive budget-da.
Maibasar ti breakdown ni Leachon nga in-post na, nangiltang ti PhilHealth ti P3.5 million para ti production ken publication ti coffee table book; P6.8 million para ti newspapers features; ken nasurok Php17 million para ti gala nights kadagiti central office ken regional offices.
Segun ti PhilHealth, ti breakdown ti expenses nga in-post ni Leachon ket “not yet final” ken ti aktibidad ket naiplano inton 2025 a makabenipsyo ti staff, stakeholders, ken kangrunaan dagiti miembro.
Innayon pay ti PhilHealth a dagiti naaprobaran nga aktibidad ket naikalintegan, ken budgeted kasaruno ti limitasyon nga inkeddeng ti gobierno, ken ma-procure babaen ti Republic Act No. 9184.
Ti Government Procurement Act ket mang-require ti competitive bidding tapno malapdan ti overpricing ken graft.
Inyunay-unay pay ti PhilHealth nga insuspensoda dagiti dadduma nga actibidad ken in-donate dagiti savings kas sungbat ti direktiba ni President Ferdinand Marcos Jr. kadagiti ahensia a liklikan ti nagarbo a selebrasyon gapu kadagiti naglabas a didigra a nakaapektar kadagiti minilion a Pilipino.
