Nagballaag ti Philippine Exporters Confederation Inc. (Philexport) a posible nga agresulta iti nakaru nga epekto ti world supply chain ti kumarkaru a tensyon idiay Middle East, kasaruno iti panagatake iti Amerika ken Israel idiay Iran ken iti panagbales iti Iran.
Kinuna ti grupo a dagiti panagatake ken panangtarget kadagiti pagilian idiay Middle East nga adda base military idiay US ken iti panangpainget ti Strait of Hormuz ket nagresulta iti pannakataktak iti airspace ken dagiti logistics bayat a mapapainget ti volatility iti energy markets.
Segun ti grupo, ti nabunbuntog a panagdur-as ti ekonomia ken dakdakkel ti gastos ket posible a makaapektar iti taray iti trade iti intero a lubong.
Para iti Pilipinas nga adu ti ang-angkatenna a langis, ti panag-ngina ti presyo ti krudo ket direkta a mangpangato iti gastos iti produksyon, transportasyon ken logistics.
Pinasingkedan ti Philexport a mabalinna a pakapsoten dayta ti price competitiveness dagiti produkto iti Pilipino iti world market.
