VIGAN CITY – Ginundawayan ni Filipino Taekwondo Jin Kurt Barbosa iti last remaining five-seconds iti labanna iti -58kg semifinals division tapno maipangabak iti Asian Taekwondo Olympic Qualification Tournament idiay Amman, Jordan.
Iti pannaki-uman iti Bombo Radyo Vigan ken ni Barbosa, nakitana a nabannog ken agkakapsoten ti kalabanna a ni hometown bet Zaid Al-Halawani ken saannan a nadepensaran pay iti laban isu nga inaramatna iti second kick a gappuanan iti pannangabakna iti iskor a 49-48.
Saanna a ninamnama iti pannangabakna ken ma-qualify iti Tokyo Olympics ta nagdanag gapu iti adjustment-na a naipan iti -58kg nga isu iti Olympic weight manipod ti dati a -54kg iti nakisalianna.
Agtalinaed iti panagbalinna a positibo ken panang-enjoy iti panagsanay ken panangpasungadna iti Tokyo Olympics ta patienna nga isu iti ramen iti balligi a pannakilaban.
Imbalakdna kadagiti agkalikagum a mangibagi ti pagilian a suruten dagiti pammilin ti coach ken panunoten a mapagballigian tapno magun-od dagiti arapaap.
Iti agdama, manarimaan iti 10-day quarantine ni Barbosa iti maysa a hotel idiay Manila bayat iti panagsanayna para iti maisayangkat a Tokyo Olympics a mangrugi inton July 23.
