VIGAN CITY – Banbantayan ti Philippine Navy ti sitwasyon idiay Taiwan kalpasan a rinugianen ti China ti military drillsda iti nasao a lugar.
Saan paylaeng a kayat ni Philippine Navy chief Admiral Toribio Adaci Jr. ti ag-espekula ngem aniaman ti mapaspasamak iti aglawlaw iti pagilian ket nasken a naannadda nga imonitor ken mapaliiw ta mabalin a maapektaran ti pagilian.
Segun met ti China, ti inaramidda a joint drills ket pannusada para iti naibilang a separatist act ti Taiwan sipud nagtugaw kas Presidente ni Lai Ching-te di Lunes , May 20.
Maipalagip nga idi Abril , immunan nga inbaga ni Armed Forces of the Philippines Gen. Romeo Brawner Jr. a numanbilang ngumato ti tensyon idiay Taiwan ken agtultuloy ti China iti aramidda ket prayoridadda ti repatriation ti Overseas Filipino workers a nakabase idiay Taiwan.
