--Ads--
Agsagsaganan ti White House para iti umadani a panagbisita ni Chinese President Xi Jinping.
Manamnama a personal daytoy a sabten ni US President Donald Trump iti Andrews Air Force Base a saronoan ti welcoming ceremony idiay White House.
Karaman daytoy ti military flyover ti dandani 500 a military personnel.
Daytoy ti kaunaan nga state visit ni XI iti Amerika iti uneg ti dekada ken ti maikatlo a panagkita da ken ni Trump manipud nangrugi ti maikadua a termino na iti opisina.
-- ADVERTISEMENT --
Sumagmamano kadagiti trataren dagiti dua a lider ket ti Artificial Intelligence, trade ken dagiti patangan iti Taiwan.
Manamnama pay nga iyatiddog ti dua ti US-China trade agreement a naaprubaran idi napalabas a tawen ken agleppas daytoy ita a bulan ti Nobiembre.
