--Ads--
Pinalagipan ti Philippine Consulate idiay New York dagiti Pilipino nga adda idiay Amerika a sumurot kadagiti linteg bayat ti pannakipasetda kadagiti protesta, nangruna dagiti isyu mainaig iti immigration crackdown ti Trump administration.
Segun iti Konsulado, saan a labsingen ti linteg ken liklikan ti ania man a klase ti protesta a mangitunda iti legal a parikut.
Asino man a mangaramid iti kinaranggas wenno criminal nga aktibidad ket madusa iti salinong ti linteg.
Dagiti Pilipino ket nabalakadan met nga agannad, ken makikaysa iti nakappia a demonstrasyon.
-- ADVERTISEMENT --
