VIGAN CITY – Nakasangpeten idiay France dagiti dadduma a Filipino athletes a kwalipikado ti Paris Olympics para ti one-month training camp.
Pimmanaw ti delegasyon iti Manila idi bigat ti Sabado (June 22, 2024).
Dagiti atleta a nakadanonen idiay France ket da flag bearers Nesthy Petecio, Carlo Paalam, kapadada a boxer a da Hergie Bacyadan ken Aira Villegas, weightlifters Elreen Ando, John Ceniza, ken Vanessa Sarno, kasta pay ni Joanie Delgaco.
Karaman pay kadagiti delegasyon ni Philippine Olympic Committee President Abraham Bambol Tolentino ken Paris Olympics chef de mission Jonvic Remulla.
Sangapulo ket lima nga atleta manipod pagilian ti kwalipikado ti Paris Games ket manamnama nga umadu pay ita nga umadanin ti Olympics.
Kabayatanna, aglukat ti Summer Games inton July 26.
