Inallukoy ti Buhay Ang People Power Campaign Network, maysa a koalisyon a ti gagemna ket pagtalinaeden ken rambakan ti 1986 EDSA People Power Revolution nga ipakita ti People Power iti May 2025 elections babaen iti panangibotos kadagiti mangidaulo nga adda kalikagumna a mangiduron iti demokrasya, human rights ken good governance.
Iti pannaki-uman ti Bombo Radyo Vigan ken ni Kiko Aquino Dee, Executive Director ng Ninoy and Cory Aquino Foundation at BAPP co-convenor, ti People Power ti mangipalagip kadagiti umili a kada Pilipino ket kabaelanna a baliwan ti sitwasyon, nangruna iti agsasaruno a korapsyon a mapaspasamak kas iti 2025 National Budget, pangta ti kinaranggas ken pammapatay, ken ti saan a pagkinnaawatan dagiti dua nga adda iti kangatoan a puesto, rason no apay a mabaybay-an ti kasapulan dagiti umili a nasken koma a pagserbianda.
Babalawen pay ni Dee ti saan a panangideklarar ti agdama nga administrasyon a kas regular holiday ti Pebrero 25 a maysa kadagiti napateg a pasamak iti pakasaritaan ti pagilian agsipud ta daytoy ti aldaw a nagun-od ti demokrasya.
Dimmar-ay ti grupo iti misa iti EDSA Shrine tapno rambakan ti maikatallopulo ket siam nga anibersaryo ti EDSA People Power Revolution inton Pebrero 25.
Nagpaot iti uppat nga aldaw ti EDSA People Power manipud Pebrero 22 agingga 25 ket lineppas ti People Power Revolution ti dua a dekada a panagturay ni dati a Presidente Ferdinand Marcos Jr.
