--Ads--
Pinainget ti Securities and Exchange Commission (SEC) ti kampania kontra iti makapadudua nga online lending activities.
Kagiddan daytoy, nagbalaag ti komision iti publiko mainaig iti sumagmamano a plataporma a maipagarup nga agar-aramat ti identidad ti lehitimo a kompania tapno maka-allukoy ti umutang.
Pinasingkedan ti SEC nga adda dagiti website a maipagarup nga agus-usar ti nagan, pakabigbigan, ken regulatory information ti sabali a lehitimo a kompania nga awan ti pammalubos.
Daytoy ket mainaig iti posible a phishing, ilegal a panag-kolekta ti personal nga impormasion, panang-harass kadagiti borrower, madi a panagaramat ti consumer data ken saan nga otorisado a financial transaction.
-- ADVERTISEMENT --
