Nagballaag ti Commission on Election (Comelec) iti publiko kontra kadagiti peke nga e-mail nga agpampammarang a naggapu iti ahensia tapno makaala ti personal wenno sensitibo nga impormasyon.
Kangrunaan a nadakamat ti Comelec ti e-mail address-da ken ti maysa nga indibidual a nagpayyam-ammo nga empleado iti Comelec.
Balakad ti Comelec iti publiko a nainget nga agannad ken agalibtak maipanggep ti emails nga agpakpakita a nagtaud iti Comelec ken agkidkiddaw iti personal wenno sensitive information.
Inlawlawag ti Comelec ti ahensia nga awan ti Stakeholder Relations Division ken awan ti empleado wenno direktor nga agnagan ti Atty. Maria Carmela Gonzales.
Ti opisyal nga e-mail ti Comelec ket agar-aramat laeng ti @comelec.gov. ph domain.
Nabalakadan pay iti publiko a saan nga insigida nga aclick kadagiti link iti e-mail-da ta mabalin a phishing scam dayta a gagem nga agtakaw iti impormasyon.
