Nadunor ti ulo ti pedestrian kalpasan a nadungpar ti kotse idiay national highway sakupen ti Barangay Dili, ili ti Sta. Cruz.
Ti Mitsubishi Xpander Cross ket minaneho ti agtawen ti pitopulo ket innem, residente ti Lorenzo South, Sta. Rosa, Laguna.
Ti met pedestrian ken agtawen ti limapulo ket innem, residente ti Barangay Dili, Sta. Cruz.
Basar ti imbestigasion, ti kotse ket agturong iti abagatan a direksion ket idi nagteng da ti nakapasamakan ti insidente, kellaat a bimmallasiw ti pedestrian iti highway manipud iti daya a napan iti laud a direksion, rason ti pannakadungpar kenkuana ti kotse.
Nagsagaba ti dunor iti ulo ti pedestrian a dagus a naipan iti balay pagagasan para ti naan-anay a pannakatamingna idinto a saan a naan-ano ti nagmaneho ti kotse.
