Nadunor ti maysa a pedestrian kalpasan a nadungpar ti Chariot 175 three wheel vehicle idiay along national highway sakupen ti Barangay Calao-an, siudad ti Candon.
Ti nagmaneho ti chariot ket agtawen ti tallopulo ket uppat, construction worker ken residente ti Baranagay Darapidap, Candon, ka-lugan na ti agtawen ti duapulo ket pito, construction worker ken residente ti Barangay Caterman, Candon.
Ti met pedestrian ket agtawen ti uppat a pulo ket siam, awan asawa na ken agnaed ti Barangay Calao-an, Candon.
Iti pannakiuman ti Bombo Radyo Vigan ken ni PLT. Jovelyn Antalan, ti chariot ket agturong iti abagatan a direksion ket idi nadanonda ti nakapasamakan ti insidente, kellaat a bimmallasiw ti pedestrian rason ti pannakadungpar-na.
Dagus a naitaray ti pedestrian iti balay pagagasan para ti naan-anay a pannakatamingna idinto a dagiti nakalugan iti Chariot ket saan a naan-ano.
Naammuan nga agsagsagaba ti mental illness ti pedestrian manipud pay idi naiyanak kas kinumpirmaran ti ipag-na.
