--Ads--
Nangipatulod ti Philippine Coast Guard iti pakabuklan a 19 a technical diver tapno tumulong iti panangsapul kadagiti 10 a mapukpukaw a pasahero ti MV Trisha Kerstin 3 a limned iti asideg ti Baluk-Baluk Island idiay Basilan.
Segun iti PCG, dagiti diver ket idaulwan ni PCG Commander Cheska Jamorol.
316 nga indibidual ti naisalakan manipud iti limned a barko idi Lunes, idinto nga 18 ti kumpirmado a natay.
Karaman kadagiti mapukpukaw dagiti 8 a crew members, ti kapitan ti barko, ken ti PCG sea marshal nga adda iti barko idi napasamak ti insidente.
-- ADVERTISEMENT --
Awan pay ti eksakto a timeline para iti technical dive ken imbestigasion iti insidente, ngem aramaten ti PCG ti gundaway bayat a nasayaat pay laeng ti kasasaad ti panawen ken ti kabaybayan.
