Impasigurado ti Malakanyang nga ada pondo no bilang kasapulan ti supplemental budget ti Department of Migrant Workers para iti repatriation dagiti overseas Filipino worker a naapektaran iti krisis ken riribuk iti Middle East.
Segun ken ni Palace Press Officer Atty. Claire Castro, nakasagana ni Presidente Ferdinand Marcos Jr. ken ti gobierno a mangiruar iti pondo para iti panagbakwit dagiti OFW manipud iti nasao a rehion.
Saan met a maibaga ni Castro no mano ti kasapulan a supplemental budget ngem impasiguradona a saan a maipaidam daytoy para iti pagsayaatan ken kinatalged dagiti OFW.
Mangnamnama ti Presidente a saan a kumaro ti sitwasion iti nagbaetan ti Iran, Israel ken Amerika tapno saan a mairaman dagiti pagilian ti Middle East nga ayan ti kaadduan a Pilipino nga agtrab-trabaho.
