Imbilin ni Presidente Ferdinand Marcos Jr kadagiti amin a cabinet secretary nga agipasada iti courtesy resignation kalpasan ti nagbalin a resulta ti eleksyon iti panawen ti administrasyonna.
Segun ken ni Marcos, maibilang ti midterm elections kas maysa a klase ti referendum no kasano nga awaten ti publiko ti panangidaulo ti administrasyon.
Innayon ti presidente a saan a nasken a makontento ti gobierno ken nalpasen ti panawen a panagbalinda a kampante iti panagtrabaho.
Kabayatanna, umabot metten iti tallopulo a miembro ti gabinete ti nangiyebkas iti kinasaganada a mangipasa iti courtesy resignation idinto a dagiti dadduma ket nakaipilan.
Maipalagip nga immunan a pinasingkedan ti presidente a dumalan iti performance review ti amin a gabinete ti gobierno ket maikkan ti underperforming nga opisial.
