Binilin ni Presidente Ferdinand Marcos Jr ti National Food Authority wenno NFA a nayonanda ti panaggatang iti irik tapno pumigsa ti stockpile ti bagas ti gobierno sakbay a kumaro ti epekto ti El Niño.
Segun ken Agriculture Secretary Francisco Tiu Laurel Jr., nasken a suliten ti NFA ti nabatbati a harvest season tapno mapunno dagiti bodegada.
Kagiddan dayta, papigsaen ti Department of Agriculture ti ayuda kadagiti lugar nga adda umdas a danumna tapno agimula, agraman ti nayon a bin-I, abono, solar irrigation ken solar pumps.
Maisayangkat pay ti cloud seeding tapno makatulong iti suplay ti danum kadagiti pagtalonan.
Binilin ti presidente ti DA a mangisagana iti alternatibo a trabaho para kadagiti mannalon ken mangngalap a mabalin a maka-produce gapu iti El Niño.
