Kumpirmadon a tumaray iti Senado ni Pastor Apollo Quiboloy, ti lider ti Kingdom of Jesus Christ a kinemmeg dagiti otoridad idi napan a bulan iti KOJC compound idiay Davao City.
Segun ken ni Comelec Spokesperson Atty. John Rex Laudiangco, naawat ti Certificate of Candidacy ni Quiboloy gapu ta adda ti duly authorized representative a nangipasa iti kandidaturana a ni Atty. Mark Christopher Tolentino.
Ni Quiboloy ket nakemmeg gapu kadagiti arrest warrant na iti mapapati a panaglabsing iti Special Protection of Children Against Abuse, Exploitation, ken Discrimination Act kasta payen iti qualified human trafficking.
Kinasoan pay ti federal grand jury iti US District Court for the Central District of California para iti conspiracy to engage in ex trafficking by force, fraud and coercion and sex trafficking of children; sex trafficking by force, fraud and coercion; conspiracy; ken bulk cash smuggling.
Agdama a nakaibalud ni Quiboloy iti PNP Custodial Center iti Camp Crame, Quezon City.
