--Ads--
Pinasingkedan ni Department of the Interior and Local Government (DILG) Secretary Jonvic Remulla a kiddawenda iti pannakakanselar ti passport ti gaming tycoon a ni Atong Ang.
Wanted iti kaso a kidnapping ni Ang maipanggep iti mapapati a panangdukot ken panangpapatay iti tallopulo ket uppat a sabungero iti pagilian.
Segun ken ni Remulla, agrequest-da iti Department of Justice (DOJ) ken Department of Foreign Affairs (DFA).
Kabayatanna, patien dagiti otoridad nga adda pay laeng ditoy Pilipinas ni Ang kas maibasar iti impormasyon ti Bureau of Immigration nga awan ti rekord a rimmuar isuna iti pagilian.
-- ADVERTISEMENT --
