--Ads--
Nakikaysa ni Bicol Saro Party-list Rep. Terry Ridon nga immapela iti publiko kadagiti panagdenggeg iti Independent Commission for Infrastructure wenno ICI mainaig iti maanomalya a flood control projects.
Segun ken ni Ridon, posible a mailukat iti publiko iti ICI ti affidavit wenno pannakaibasa ti nasapataan a sarita kadagiti pinaawaganda a resource person ken ti initial inquiry-da kadagiti commissioner.
Segun ken ni Ridon a co-chairman ti House Infrastructure Committee, kas kadagiti proceeding iti korte ket adda paset a mabalin a maipakaammo iti publiko ngem saan a mabalin nga amin iti executive session.
Kinunana pay a kadagiti korte ket adda gundaway a makastrek iti media ken dadduma pay nga interesado a partido.
-- ADVERTISEMENT --
