--Ads--
VIGAN CITY – Manarimaan pay laeng iti imbestigasyon dagiti otoridad iti napasamak a panagtakawan idiay Barangay Magsaysay District, Santa, nangruna ti Balallos Enterprises a nakaalaan iti sangagasut a ribo a pisos a kwarta, naduma-duma a passbook ti tallo a bangko ken maysa a ragadi.
Naamuan iti napasamak a panagtakawan iti nasao a pasdek idi nadlaw ti akin-kukua ti pasdek a ni Arnold Balallo nga agtawen iti innem a pulo, naasawaan ken agnaed idiay Barangay Marcos District, Santa, a ti kandado ti ruwangan ti pasdek ket nadadael nga isu iti mapapati a simrekan ken rimuwaran dagiti suspek a nagtakaw iti uneg na.
