--Ads--
VIGAN CITY – Awan ti nadangran iti napasamak a pannakabansag iti bato ti maysa a Partas bus bayat ti panagdalyasatna iti national road ti Barangay Cameztisoan, Sto. Domingo, Ilocos Sur.
Nabigbig ti biktima a ni Richard Adovas Gabatin Jr., agtawen iti uppat a pulo ket lima, drayber ti Partas bus, agnaed iti Barangay 1, San Lorenzo, Laoag City, Ilocos Norte.
Ti suspek ket maysa a saan pay a nabigbig a lalaki.
Agpapa-abagatan ti bus ket idi nagteng ti nakapasamakan ti insidente, maysa a lalaki a nakalugan iti motorsiklo nga adda iti bangir a linya ti nangbato iti bus a nakadadaelan ti tawa iti driver side.
-- ADVERTISEMENT --
Agtultuloy met ti imbestigasyon dagiti pannakabagi ti linteg inaig iti napasamak.
