Nagpanawagan ni Senate President Sherwin Gatchalian iti naing-inget a programa iti panangibelleng iti basura ken mangsalwad iti aglawlaw kagiddan iti National Cleanup Month ita a bulan.
Segun ken ni Gatchalian, gapu iti barado a kanal ken dalan ti danum ket malaylayus ti Metro Manila ken kabangibang a probinsia.
Ti National Clean-Up Month ket rumbeng nga agserbi a palagip tapno mapatibker ti disiplinata ti tunggal maysa iti panagibelleng iti basura ken masigurado ti husto a panagkolekta ken panagibelleng.
Kas maysa a proponent ti waste-to-energy program, impaganetget ni Gatchalian a gapu iti epekto ti climate change ken ti vulnerability ti Pilipinas kadagiti bagyo, kasapulan ti pagilian ti komprehensibo a programa para iti umno a pannakaibelleng ken pannakatarawidwid dagiti basura.
Immun-una a nangipila ni Gatchalian iti Senate Bill No. 365, wenno ti Waste-to-Energy Act, ken Senate Bill No. 1652, a mangisingasing iti pannakabukel ken institutionalization ti Masterplan for Institution and National Development (MIND) Council.
