VIGAN CITY – Naupay ni Sherilyn Roldan a taga- Lingsat. Sta. Maria ta natakawan iti pantsong ti ina na a naitabon idi January 15 idiay kampo santo ti Sta. Maria.
Napan sinarungkaran da Roldan iti pantsong ti ina na idi agsapa idi kalman sakbay da nga agpa- Manila, nakita da a nalukatan iti pantsong ken nagkaiwara dagiti alikamen nga inpabalon da kenkuan kas ti designer bag ken dadduma pay, pakairamanan dagiti rurog dagiti pimmusay nga apong da.
Idi inasitgan da, nakita da iti wallet ti ina da nga inpabalon da nga awanen iti karga na kasta pay dagiti inpasarabo kenkuana ti kanakan na a naggapu idiay Singapore a badbado.
Agsipud iti dayta, inreport da kadagiti kameng ti Sta. Maria municipal police station ti napasamak sa da nagpatulong iti punerarya a nang-service iti ina da tapnu maisimpa met laeng iti pantsong ken siniguradoda a saanen a nadaras a malukatan tapnu saanen a maulit iti napasamak.
