VIGAN CITY – Kiniddaw ni Governor Ryan Singson kadagiti elected official ditoy probinsia a makitinnulongda iti gobierno tapno maleppasen iti rinnupak iti nagbaetan ti gobierno ken New People’s Army kasaruno iti rinnupak iti ili ti Sta. Lucia ken siudad ti Candon.
Segun ken ni Singson, rumbeng a bilinen dagiti mayor dagiti barangay official a makitinnulongda tapno marisot iti parikot ti provincial government gapu iti mapapati nga adda dagiti supporter dagiti NPA nga elected official a kitkitaen nga anggulo ti Philippine Army ken ti Provincial Government.
Kiniddawna kadagiti amin nga agindeg ti probinsia a no man bilang nga adda iti madlawda a presensya dagiti NPA ket ipakammoda laeng tapno matignayan nga insigida ken kiniddawna kadagiti miembro ti NPA a sumukoda laengen tapno magun-oden ti peace and order iti probinsia.
Innayon pay ti gobernador a tulunganna latta dagiti natay a NPA ken ti natay a suldado ken nairaman a civilian iti napasamak a rinnupak.
