Dukduktalen ti Bureau of Fire Protection-Vigan City no ania ti rason iti pannakauram ti maysa a pagtaengan iti Pagpandayan, Vigan City.
Ti wooden house nga agserserbi a bahay-bakasyonan ket kukua ni Ruben Parto.
Iti pannaki-uman ti Bombo Radyo Vigan ken ni Fire Superindent Bonifacio Sacatrapos Jr., nangrugi ti uram iti maikadua a kadsaaran ti pagtaengan a naaramid iti light materials isu a nadaras a nagkayamkam.
Totally damaged iti maikadua a kadsaaran idinto a partially damaged iti ground floor.
Maysa kadagiti imbestigaranda dagtiti naudi a nagubra a tubero iti nasao a pagtaengan.
Basar iti initial assessment dagiti kameng ti BFP, mapatta-patta nga umabot iti P231,000 ti gatad ti nauram a balay a ti kalawana ket 154 square meters ngem posible pay a manayunan depende iti idatag ti owner a gatad iti affidavit of loss-na.
Nupay kasta, saanda a makitkita a naigagara ti pannakauram iti pagtaengan ken mangnamnamada iti pannakitinnulong dagiti bumalay a makitinnulong iti imbestigasyon.
