VIGAN CITY – Insingasing ni Surigao del Norte Rep. Robert Ace Barbers a matiliw met ti Pilipinas dagiti Chinese “trespassers” iti exclusive economic zone ti pagilian iti West Philippine Sea (WPS).
Segun ken ni Barbers, nasken nga umuna nga agkiddaw iti pammalubos iti gobierno ti Pilipinas dagiti barko ti China no kayatda ti sumrek iti West Philippine Sea.
Inyunay-unay na a masapul nga ipakita ti Pilipinas kadagiti tresspasser nga uray awan ti kabaelan ti pagilian, padasen a kemmegen dagiti siasinoman a manglabsing kadagiti linteg ti pagilian.
Innayon ni Barbers a ti nasao nga addang ket mangipakita nga agtutungpal ken raraemen ti pagilian ti international law ken mangsigurado a kas democratic republic, masapul a mararaem ti pagilian babaen dagiti kapada ti panagpampanunotda a nasion.
Kabayatanna, kinuna ni Sen. Francis Tolentino, Senate chairman ti special committee on maritime and admiralty zones, kadagiti mangngalap a Pilipino nga agannadda bayat ti panagkalapda kadagiti traditional fishing grounds.
