VIGAN CITY – Im-imbestigaranen dagiti pannakabagi ti linteg ti Sta. Catalina no ania ti motibo ti saan pay a nabigbig a suspek a nangbagkong iti maysa a lalaki.
Nabigbig ti biktima a ni Patrick Oandasan, agtawen ti sangapulo ket siam nga agnaed iti nasao a lugar a nakaturong iti folding chair iti sangwanan ti pagtaengan ti kabagyanna a ni Virginia Ramilo ket itay parbangon, nakita dagiti kameng ti pamiliana a dara-dara ti biktiman gapu iti dua a dunor ti barukongna gapu ti pammagkong.
Iti pannaki-uman ti Bombo Radyo Vigan iti ina ti biktima, awan ti kinaririna idi kallabes isu a burburtia pay laeng kadakuada no siasino ti nangaramid ti nasao a krimen.
Kabayatanna, pinasingkedan met ni PSSg. Ferdinand Rabago, Chief Investigator ti Sta. Catalina PNP nga awan ti aniaman a kaso a nakainaigan ti biktima.
