VIGAN CITY – Manarimaan pay laeng iti naun-uneg nga imbestigasyon nu apay a natay ti maysa a babai a nasarakan iti bangkay na iti sirok iti poon ti kaimito idiay Sitio Balungabing, Barangay Turod Patac, Cabugao tattay alas nuwebe kwarenta y singko iti agsapa.
Nabigbig ti biktima a ni Jhing Jhing Punio Sortido nga agtawen ti uppat a pulo ket maysa, naasawaan ken agnaed iti nasao a lugar.
Maibasar iti pakpakauna nga imbestigasyon dagiti kameng ti Cabugao municipal police station, nadakamat ni Dante Sortido nga agtawen ti uppat a pulo ket maysa a saan a nagpakpakada a pimmanaw iti pagtaengan da ti asawa na idi rabii agingga a nasarakan laengen iti bangkay ti asawa na iti nasao a lugar.
Naipan idiay punerarya ti bangkay ti biktima na ket maidalan to ti autopsy a kas paset iti imbestigasyon dagiti otoridad.
