Vigan City – Kiddaw ni PCapt. Benjamin Raquedan, mangidaulo ti San Juan Municipal Police Station a makitinnulong dagiti nakakita iti pannakapaltog ni Santiago Andres Tamonan, agtawen ti innem a pulo ket dua, maysa a mannalon nga agnaed idiay Barangay Lapting, San Juan idi kalman bayat iti kaaddana iti talon.
Segun kenni Raquedan, nakawatda iti report inaig iti pammaltog isu nga insigidada a nagresponde ket dita a nakitadan a nakadasayen ti biktima iti taltalon.
Mabasar iti imbestigasyon ti San Juan PNP, dagiti dua suspek ket nakita dagiti dua nga annak ni Tamonan ta kinamatda pay kalpasan iti pammaltog ngem nagbutengda gapu iti kasla panagasotda iti paltog.
Pinasingkedan pay ni Raquedan nga adda iti minolestia ni Tamonan idi May 24 nga agtawen ti dua nga ubing a kalugaranda ket idi June 2 laeng ket naipila ti kaso kontra kenkuana.
Kabayatanna, tallo iti tama iti paltog ti biktima nga adda iti teltelna ken dua iti likodanna babaen iti caliber 45.
