VIGAN CITY- Cooperasyon… dayta iti inyunay- unay ni Philippine national police chief director general Ronald De la Rosa kadagiti amin a sector tapno agballigi ti double barrel reloaded kontra iti illegal a droga.
Inaklon ti PNP chief a balligi ti immuna a serye iti nailunsad a kampanya kontra illegal a droga babaen iti oplan tokhang ket patien na nga ad- adda a balligi iti napabaro a project double barrel reloaded.
Inpasigurado ni General De la Rosa nga ikagkagumaan da a dalausan ti grupo da tapno makaited da iti de kalidad a serbisyuo kadagiti umili.
Kabayatan na, indauluan ni PNP chief de la rosa ti pannakapirma iti pledge of commitment kadagiti amin a mayor, chief of police ken dagiti nadumaduma nga otoridad para iti pannakapagbalin a drug- free ti pagilian.
